Strikkefastheit: 22 masker på pinne 3-4. 290 m/100 g.

Garnet er farga med bjørk frå Eitrestrondi og har fått eitt dypp med indigo.

BJØRK

«Betula»

Bjørkeblad gir gule og gulgrøne fargetonar. Fargen kan påvirkast av når i sesongen blada vert hausta, men vår er erfaring er at blad frå tre som byrjar å gulna på hausten kan gi like sterk farge som nyutsprunge blad på våren/tidleg på sommaren. Beisinga av garnet kan gi ulike fargar sjølv om det er farga i det same fargebadet. Garn beisa med jernvitrol gir gjerne mosegrøne fargar, og garn beisa med alun gir gule fargar.

INDIGO

Indigofera tinctoria

Indigoplanten veks i Asia og har vore ei svært eksklusiv handelsvare. Fargestoffet er ikkje løyseleg med vatn og farginga krev difor ein spesiell prosess for å frigjera fargen. Indigofarging er veldig spennande! Garnet vert dyppa nokre minutt i gryta og er grønt når ein tek det opp, men endrar seg på sekundar til blått i kontakt med oksygen. Ein kan dyppa fleire gonger for å få mørkare blåfarge. Indigofargen legg seg rundt ullfibrane og ein kan difor oppleva tørrsmitting når ein strikkar. Då vert ein litt blå på fingrane, likeeins som ei dongeribukse kan avgi blåfarge på td. ein lys sofa.